PORQUÉ O TURISMO CIENTÍFICO
O turismo pretende posicionarse aínda máis como factor clave na evolución da economía da nosa comunidade e para eso, é preciso contar con todos os axentes implicados dende o sector público ao privado e dende as entidades máis grandes as máis pequenas todas temos algo que aportar.
Si consideramos a influencia que o turismo ten e todo o que aporta ao benestar social, tendo sempre en consideración os factores de sostibilidade económica, social e medio ambiental na comunidade e en concreto en cada unha das zonas nas que traballamos, o turismo aporta un valor engadido brutal a través do que sen dúbida nos podemos diferenciar e onde Galicia ten moito que dicir.
O destino Galicia está cheo dun patrimonio natural, cultural, etnográfico, gastronómico, etc polo que a miúdo e cada vez máis se nos visita e eso supón un crecemento económico non só para as entidades do sector senón para a comunidade que ve como nos posicionamos como referente e obxectivo de turistas, atraéndoos incluso cando chove e na chamada temporada baixa.
A nosa comunidade é destino familiar, de natureza, gastronómico, cultural, … temos recursos que aproveitamos e que aínda poderemos aproveitar máis e de maneiras diferentes e sobretodo recursos que nos permiten adaptarnos ás diferentes idades e aos diferentes colectivos: Galicia atrae a familias, a peregrinos, a turistas nacionais e internacionais, grupos de empresarios, de amigos, adolescentes, infantes, turismo sénior, persoas xubiladas, … Galicia ten moito que ofrecer.
Todas as persoas poden visitar e coñecer o mesmo destino e a todas lles podemos facer chegar os mesmos contidos pero a maneira na que o fagamos inflúe en que aprendan máis ou menos, se divirtan máis ou menos etc e iso afcetará a que aposten de novo ou non polo noso destino e a nosa oferta.
- Somos conscientes de que existe interese en actuacións de turismo vinculadas ao eido científico porque nos adicamos a eso e porque cada vez son máis os grupos que se moven na procura de obter máis datos e información específica sobre un determinado destino ou recurso.
- Tamén somos conscientes de que aprender e divertirse non son incompatibles e de que as actuacións vinculadas a contidos non teñen porque ser aburridas nin teóricas, a Ciencia é moi interesante!
Do que sí estamos convencidos é de que o turismo científico é un eido que non se coñece demasiado, no que non se está a afondar nin se está a promocionar e no que Galicia, como destino, ten moito que aportar.
Pensamos que o turismo científico pode constituir un novo nicho de mercado co que seguir posicionando a Galicia e, debido a que é ao que nos adicamos queremos seguir apostando por eso.
A PROPOSTA QUE FACEMOS
A proposta que facemos vai na liña de impulsar e promocionar o turismo científico e poñer de manifesto o seu interese e a súa importancia, para o posicionamento do destino Galicia, a través de accións centradas nos recursos naturais galegos e en concreto, nos espazos protexidos e outros recursos naturais da ría de Arousa.
Trátase dunha programación de actuacións definidas de carácter divulgativo coas que dar a coñecer diferentes destinos e recursos dende un punto de vista científico pero a través dunha metodoloxía dinámica e amena de forma que calquera persoa poida disfrutar e beneficiarse da mesma.
OBXECTIVO PRINCIPAL
Potenciar o turismo científico en Galicia como un nicho de mercado en auxe, a través de accións de divulgación centradas nos espazos protexidos e outros recursos naturais da ría de Arousa.
